Azadsöz.az xəbər verir ki, 2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu sonradan “Dəmir yumruq” adlandırılan əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi.
Vətən müharibəsinin sentyabrın 27-nə olan xronikasını təqdim edir:
– Müdafiə Nazirliyi Ermənistan hərbi birləşmələrinin yaşayış məntəqələrimizi və mülki əhalini atəşə tutduğunu açıqladı;
– Bütün cəbhə boyu qoşunlarımız əks-hücum əməliyyatına başladı;
– Ordumuzun bir döyüş helikopteri zədələndi, helikopter öz ərazimizə endirildi;
– Azərbaycan Prezidenti İlham Əliyev xalqa müraciət etdi;
– Müdafiə Nazirliyi işğal altında olan vacib yüksəkliklər uğrunda döyüşlər aparıldığını açıqladı;
– Ombudsman Ermənistan tərəfindən atəşkəs rejiminin növbəti dəfə kobud şəkildə pozulmasına etiraz olaraq bəyanat yaydı;
– Azərbaycan Xarici İşlər Nazirliyi bəyanat yaydı;
– Prezident İlham Əliyevin sədrliyi ilə Təhlükəsizlik Şurasının iclası keçirildi;
– Müdafiə Nazirliyi işğaldan azad edilən kəndlərin adını açıqladı;
– Rəcəb Tayyib Ərdoğan Prezident İlham Əliyevə telefonla zəng etdi;
– Zakir Həsənov düşmənin ön xəttinin yarıldığını, 7 kəndin işğaldan azad olunduğunu açıqladı;
– Müdafiə Nazirliyi düşmən texnikalarının məhv edilmə görüntülərini yaydı;
– Baş Prokurorluq mülki əhalidən yaralananların sayının 14-ə çatdığını açıqlayıb;
– Zakir Həsənov cəbhədə baş verən düşmən təxribatının detallarından danışdı;
– Müdafiə Nazirliyi Ağdərə yaşayış məntəqəsində yerləşən erməni qarnizonuna təslim olmağı təklif etdi;
– Müdafiə Nazirliyi düşmənin zirehli texnikasını döyüş meydanında ataraq qaçdığını nümayiş etdirdi;
– Murov dağı silsiləsindəki Murov zirvəsi azad olundu;
– Prezident İlham Əliyev Hərbi vəziyyət elan edilməsi haqqında Fərman imzaladı;
– Müdafiə Nazirliyi Ermənistan ordusuna məxsus silah-sursat anbarının məhv edilməsinin görüntüsünü yayıb;