Azadsöz.az xəbər verir ki, sabah saat 11:00-da Göyçay Şəhidlər Xiyabanında 44 günlük Vətən Müharibəsində qəhrəmancasına döyüşərək, canlarını fəda etmiş şəhidlərimizə dərin ehtiram əlaməti olaraq 27 Sentyabr “Anım Günü”nə həsr olunmuş tədbir keçiriləcək.
Anım Günü münasibətilə rayonun Heydər Əliyev prospekti daxil olmaqla bir sıra küçələrdə binaların fəsadlarına və eyvanlarına Azərbaycanın dövlət bayrağı asılıb.
Bununla yanaşı Göyçay Şəhidlər Xiyabanının ərazisi süpürülərək təmizlənib.Məzarların, ziyarətgah məşəlinin üstü və mərmər döşəmələr yuyulub, Azərbaycanın və Türkiyənin dövlət bayraqları xiyabanın giriş hissəsinə asılıb.
Səbuhi Eltonlu
