Azadsöz.az xəbər verir ki, dünən gecə Göyçayda əsən güclü külək nəticəsində ağac avtomobilin üstünə aşıb.
Hadisə rayonun Rauf İsayev küçəsində yerləşən çoxmənzilli yaşayış binasının həyətində baş verib.
Belə ki, ağac yaşayış binasının həyətində saxlanılan, bina sakininə məxsus “Lada 099” markalı 10 KT 379 nömrəli avtomobilin üzərinə düşüb.Nəticədə maşına ciddi ziyan dəyib, xəsarət alan olmayıb.
Qeyd edək ki, maşının üzərinə düşən ağac Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir şöbəsinin işçi kollektivi tərəfindən hissələrə doğranaraq ərazidən götürülüb.
