22 May 2024 00:31

“Açıq mikrofon” aksiyası Göyçayda keçirildi-FOTO

Azadsöz.az xəbər verir ki, SOCAR “Azəriqaz” İstehsalat Birliyinin vətəndaşların qaz təsərrüfatı ilə bağlı üzləşdikləri çətinliklərin yerlərdə dinlənilməsinə və həllinə xidmət edən “Açıq mikrofon” aksiyası bu dəfə Göyçay şəhər  Əli Kərim adına  Parkda təşkil olunub.

“Səyyar qəbul otağı” rayon sakinlərinin üzünə açıq olub. Vətəndaşlar qarşılaşdıqları problemlərdən söz açaraq onlara köməklik edilməsini xahiş ediblər.

Ünvanlanan hər bir müraciət Birliyin Ağsu Regional qaz istismarı İdarəsinin məsul şəxsləri tərəfindən cavablandırılıb, lazımi qeydlər aparılıb.