Ulaşlı-Şıxlı kəndində bu işlər görülüb-FOTO

Azadsöz.az  xəbər  verir  ki, Göyçay rayon  İcra  Hakimiyyətinin  başçısı  Natiq  Ağayevin tapşırıq  və  göstərişinə  əsasən, vətəndaşların rahat gediş-gəlişinin təmin olunması məqsədilə rayon İcra Hakimiyyəti başçısının Potu kənd inzibati ərazi dairəsi üzrə nümayəndəliyinin və kənd bələdiyyəsinin təşəbbüsü ilə nümayəndəliyə daxil olan Ulaşlı Şıxlı kəndinin daxili yoluna çınqıl daşı tökülərək qreyderlə hamarlanma işləri aparılıb. 

Həmçinin Potu kənd inzibati ərazi dairəsi üzrə nümayəndəliyinə daxil olan Üngütlü kənd sakini Hüseynova Səidə İnqilab qızı 14.03.2023-cü il tarixdə rayon icra hakimiyyəti başçısının qəbulunda olarkən həyətyanı sahəsinin təmizlənməsinə köməklik edilməsi ilə bağlı etdiyi müraciətə əsasən hazırda texnika vasitəsilə vətəndaşın həyətyanı sahəsində təmizlik işləri aparılır.