Azadsöz.az xəbər verir ki, Göyçay rayon İcra Hakimiyyəti tərəfindən Vətən müharibəsi şəhidlərinin ailələrinə, əlillərə və iştirakçılara daim diqqət, qayğı ilə yanaşılır, həmin ailələrin problemləri ilə mütəmadi maraqlanılır, qaldırdıqları məsələlərin həlli ilə bağlı müvafiq tədbirlər həyata keçirilir.
44 günlük Vətən müharibəsində ölkəmizin ərazi bütövlüyü uğrunda gedən döyüşlərdə yaralanan Göyçay rayonunun Çərəkə kənd sakini, qazi Məmmədov Elməddin Mahir oğlunun Göyçay rayon İcra Hakimiyyətinə bu ilin iyununda etdiyi müraciət əsasında məişət şəraiti yaxşılaşdırılıb.Qazimizin ailə üzvləri üçün sanitar qovşağı və evin qarşsında eyvan tikilib.
Qeyd edək ki, Məmmədov Elməddin Mahir oğlu 26 fevral 1995-ci ildə Göyçay rayonunun Çərəkə kəndində anadan olub.Göyçay rayon Çərəkə kənd 2 saylı tam orta məktəbi bitirib.27 sentyabr 2020-ci ildə başlayan Vətən müharibəsinin ilk günündən könüllü olaraq döyüşlərə qatılıb. Füzuli və Cəbrayıl istiqamətində gedən döyüşlərdə iştirak edib. Cəbrayıl rayonu istiqamətində növbəti döyüş tapşırığını yerinə yetirən zaman yaralanaraq qazi olub.
Prezident İlham Əliyevin sərəncamına əsasən, Elməddin Məmmədov “Füzulinin azad olunmasına görə”, “Cəbrayılın azad olunmasına görə” , “Cəsur döyüşçü” və “Vətən müharibəsi iştirakçısı” medalı ilə təltif edilib.
