Azadsöz.az xəbər verir ki, Ermənistan qanına susamağa alışıb. 3 il əvvəl – 44 günlük Vətən müharibəsində Azərbaycan Ordusunun demək olar məhv etdiyi Ermənistan silahlı qüvvələri bundan dərs çıxara bilmir. Bu, dünən də belə idi, indi də belədir.
Baxmayaraq ki, bir aydan artıq bir müddətdə Ordumuz tərəfindən demək olar ki, tamamilə məhv edilən Ermənistan silahlı birləşmələrinə bu ağır zərbə dərs olmadı. İxtiyarı tarix boyu kənar qüvvələrin əlində olan ermənilər bu məğlubiyyətdən cəmi 2 il sonra yenidən ərazilərimizə qarşı təhdid yaratmaq, ərazi bütövlüyümüzü təhlükəyə atmaq istiqamətində ciddi hazırlıqlar gördülər. Azərbaycana qarşı düşmənçilik, nifrət toxumu səpmək, sabitliyimizə mane olmağı heç cürə öz xislətindən kənar tuta bilməyən ermənilərin hücum planı növbəti dəfə fiasko ilə nəticələndi.
2022-ci il sentyabrın 12-də Azərbaycan-Ermənistan sərhədinin Laçın, Kəlbəcər və Zəngilan rayonları istiqamətində başlanan gərginlik Ermənistanın revanşist siyasətinə cəhdinin təzahürü idi. Bunun eyni zamanda digər adı “regionda formalaşmış yeni reallığın dəyişdirilməsi isitqamətində atılan addım” idi. Əslində, müharibədən sonra 2 il ərzində Ermənistanın beynəlxalq aləmdə Azərbaycana qarşı kampaniya aparması, sülh danışıqlarını, kommunikasiyaların açılmasını, ümumilikdə regionda təhlükəsizliyin təmin olunması istiqamətində irəli sürülən bütün təşəbbüsləri və atılan addımları sabotaj etməsi rəsmi İrəvanın Bakı ilə barışıq, sülh imzalamaq məsələsində maraqlı olmadığını nümayiş etdirirdi.
Bu müddət ərzində 2020-ci il noyabrın 9-da imzalanmış üçtərəfli Bəyanatın müddəalarının icrasından müxtəlif bəhanələrlə boyun qaçıran Ermənistanla sentyabrın 12-14-də baş vermiş döyüşlər yenidən Bakının aktivinə yazıldı. Həmin tarixdə Azərbaycan növbəti dəfə mühüm Zəfər qazandı. Düşmən təxribatının, yeni mövqelər əldə etmək cəhdinin qarşısı alındı.
Ermənistanın növbəti avantürası bir daha göstərdi ki, regionda formalaşmış yeni reallığın dəyişdirilməsi isitqamətində atılan istənilən addım Ermənistanın özü üçün yeni faciələrə səbəb olacaq. Ermənistanın Azərbaycanla sərhədinin Laçın, Kəlbəcər və Zəngilan istiqamətində qurduğu, Azərbaycanln təhlükəsizliyinə təhdid yaradan bütün hərbi təyinatlı obyektlər darmadağın edildi.
2022-ci il sentyabrın 12-də Ermənistanın Azərbaycana qarşı növbəti təxribatı nəticəsində yaranmış gərginlik elə Ermənistanın öz başında çatladı. Belə ki, Azərbaycan Ordusunun qəhrəman hərbçiləri, əsgər-zabit heyyəti yalnız Ermənistanın atəş nöqtələrini susdurmadı, oradakı hərbi infrastruktunu (Ermənistanın xeyli sayda hərbi texnikası, milyarddan artıq dəyəri olan iki S-300 raketi, rəsmi məlumata görə 224, əslində isə 400-dən artıq canlı qüvvəsi, çoxlu sayda hərbi obyekti və onlarla postu məhv edildi, yüzlərlə hərbçi yaralandı) məhv etmədi, eyni zamanda Azərbaycan həmin bölgədə bütün nəqliyyat-kommunikasiya sistemini, çox mühüm yüksəklikləri nəzarətə götürdü ki, bu gün həmin strateji ərazilər Ordumuz üçün bölgəyə nəzarət etmək nöqteyi nəzərindən olduqca vacib, həyati əhəmiyyətə malikdir.
Həmən müddətdə Ermənistanda revanşist ab-hava daha da qızışdırılaraq bütün beynəlxalq normalara zidd şəkildə “torpaqların qaytarılması”, “Qarabağın müstəqilliyinin təmin edilməsi” və sair bu kimi iddialar süni şəkildə stimullaşdırılırdı. Ermənistan hakimiyyəti tərəfindən ordunu bərpa etmək istiqamətində, Rusiya, ABŞ, Hindistan, İran və Avropa ölkələrindən silah alınması, ordunun təchizat məsələlərinin həlli istiqamətində iş aparılırdı. Eyni zamanda, Qarabağa qeyri-qanuni hərbçilər və silah-sursat, hərbi texnika göndərilirdi, orada yeni müqavimət nöqtəsi yaradılmasına cəhdlər olunurdu. Digər tərəfdən, Ermənistan Azərbaycanla sərhəddə yeni hərbi obyektlər yaradır, Kəlbəcər və Laçın istiqamətində gələcək hücum üçün plasdarm formalaşdırılırdı.
Yaxşı xatırlayırıq ki, Ermənistanın baş naziri sentyabrda baş verən bu iki günlük döyüşlərdən öncə Vladivostokda keçirilmiş forumda çıxışı zamanı faktiki olaraq yeni hərbi qarşıdurma iddiası səsləndirməsi ilə diqqət mərkəzinə düşmüşdü və bu açıqlama sentyabrın 12-də başlanan gərginliyin siyasi anonsu oldu. Bütün bunlar bir daha təsdiq etdi ki, Ermənistan həqiqətən də uzun müddətdir revanşa hazırlaşır və bunun üçün həm siyasi, həm hərbi, həm də informasiya zəmini yaradır. Eyni ilə Ermənistanın baş naziri Nikol Paşinyanın 2020-ci il Tovuz hadisələrindən əvvəl Valday Sammitində “Qarabağ Ermənistandır. Nöqtə” səsləndirdiyi, ardınca sentyabrın 27-i gecə saatlarında Ermənistan silahlı qüvvələrin böyük qüvvə ilə hücuma keçməsi kimi…
Baxmayaraq ki, Azərbaycan dəfələrlə ən müxtəlif səviyyələrdə Ermənistanın revanşist siyasətini ifşa edib, həyata keçirilən hazırlıqların hansı məqsədə xidmət etdiyini faktlar əsasında göstərib və Ermənistan hakimiyyətini bu cəhdlərin onun özü üçün ağır nəticələrə gətirib çıxaracağını xəbərdar etmişdi. Təəssüflər olsun ki, Ermənistan bu qədər məğlubiyyətlərə rəğmən, ağır məğlubiyyətlərdən nəticə çıxartmağı bilmir ki, bilmir. Bu gün də eyni ilə 44 günlük İkinci Qarabağ müharibəsindən sonrakı erməni təxribatlarına istər diplomatik müstəvidə, istər informasiya meydanında, istərsə də hərbi meydanda açıq şəkildə müşahidə edirik. Görünür Ermənistan daha böyük məğlubiyyətlə üzləşməyənə kimi dinc dayanmayacaq.
Amma yaxşı olar ki, Ermənistan hərbi-siyasi rəhbərliyi ölkəmizə və hərbi bölmələrimizə qarşı ardıcıl həyata keçirdiyi təxribatların hansı acı nəticələrə gətirib çıxaracağını bir daha gözünü dörd açıb, diqqətlə baxsınlar. Azərbaycan Ordusu 1 il əvvəl cəmi 7 saat davam edən unikal cavab əməliyyatı gerçəkləşdirməklə Ermənistanın uzun müddətdir qurduğu planları alt-üst etmişdisə, bu dəfə bu nəticəni (7 saatlıq hərbi əməliyyat) daha da yaxşılaşdıra bilər.
Azərbaycan düşmənin yeni təcavüz planlarına imkan verməyəcək. Bunun üçün Azərbaycanın bütün hərbi-texniki imkanları olduğu kimi, eyni zamanda beynəlxalq hüquqla dəstəklənən haqqları da var. Nikol Paşinyan hakimiyyəti dərk etməlidir ki, bu dəfə Ermənistan üçün daha böyük fəlakətlər qaçılmaz olar. Ona görə də yaxşı olar ki, İrəvan rəsmi Bakı ilə sülhdən qaçmaq əvəzinə, konstruktivlik üçün nəhayət özündə cəsarət tapsın.