Azadsöz.az xəbər verir ki, 1 iyun 2023-cü il tarixdə Göyçay rayon İcra Hakimiyyətinin başçısı Natiq Ağayev Müskürlü kənd inzibati ərazi dairəsi üzrə nümayəndəliyin inzibati binasında növbəti səyyar qəbul keçirdi.
Qəbulda rayon İcra Hakimiyyətinin başçısı Natiq Ağayev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak ediblər.
Rayon rəhbəri çıxış edərək Müskürlü kəndinin eləcə də rayonun sosial-iqtisadi inkişafı, əhalini narahat edən problemlərin həlli istiqamətində həyata keçirilən tədbirlərdən, görülən və həmçinin görüləcək işlərdən danışıb. Ölkə başçısının tapşırıqlarına əsasən əhali ilə mütamadi olaraq keçirilən belə görüşlərin əsas məqsədi sakinlərə daha yaxın olmaq, onları narahat edən məsələləri öyrənmək və həlli istiqamətində işləri həyata keçirmək lazım olduğunu vurğulayıb.İcra başçısı bildirib ki, kəndlərdə mövcud olan bələdiyyələr büdcə vəsaitlərini vaxtlı-vaxtında yığılmasını və yığılan vəsaitin məqsədyönlü şəkildə xərclənməsini təmin etməlidir.
Daha sonra Müskürlü kəndinin inzibati ərazi dairəsi üzrə nümayəndəsi Mahizər Əliyeva kənd haqqında icra başçısına, görüş iştirakçılarına ətraflı məlumat verib.
Qəbulda kənd sakinləri kənd yoluna asfalt örtüyünün döşənməsi, torpaq, istismar müddətini başa vurmuş transformatorun yenisi ilə əvəz olunması, içməli su təchizatının yaxşılaşdırılması və digər məsələlərlə bağlı rəy və təkliflərini veriblər.
Vətəndaşların müraciətlərində qaldırılan məsələlərin bir qisminin həllinə yerindəcə köməklik göstərilib, araşdırılmasına ehtiyac olan digər məsələlərin həlli aidyyəti üzrə müəssisə və təşkilat rəhbərlərinə tapşırılaraq nəzarətə götürülüb.
Kənd sakinləri onların müraciətlərinə diqqət və həssaslıqla yanaşıldığı üçün rayon rəhbərliyinə və ölkə başçısına öz minnətdarlıqlarını bildiriblər.
