Azadsöz.az xəbər verir ki, 4 may 2023-cü il tarixdə Göyçay rayon İcra Hakimiyyətinin başçısı Natiq Ağayev Yeniarx kənd inzibati ərazi dairəsi üzrə nümayəndəliyinə daxil olan Xəlitli kəndində növbəti səyyar qəbul keçirdi.
Qəbulda rayon İcra Hakimiyyətinin başçısı Natiq Ağayev, Milli Məclisin deputatı Sabir Hacıyev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak ediblər.
Rayon rəhbəri çıxış edərək Xəlitli kəndinin eləcə də rayonun sosial-iqtisadi inkişafı, əhalini narahat edən problemlərin həlli istiqamətində həyata keçirilən tədbirlərdən, görülən və həmçinin görüləcək işlərdən danışıb. Ölkə başçısının tapşırıqlarına əsasən əhali ilə mütamadi olaraq keçirilən belə görüşlərin əsas məqsədi sakinlərə daha yaxın olmaq, onları narahat edən məsələləri öyrənmək və həlli istiqamətində işləri həyata keçirmək lazım olduğunu vurğulayıb.Rayon mərkəzinə yaxın olan Potu, Ərəbcəbirli və Kürd kəndlərinin şəhərə birləşdirilməsi üçün qanunvericiliyə uyğun olaraq işlərin görülməsinə başlandığını diqqətə çatdırıb.İcra başçısı bildirib ki, kəndlərdə mövcud olan bələdiyyələr büdcə vəsaitlərini vaxtlı-vaxtında yığılmasını və yığılan vəsaitin məqsədyönlü şəkildə xərclənməsini təmin etməlidir.
Daha sonra Yeniarx kənd inzibati ərazi dairəsi üzrə nümayəndəsi Əhməd Məmmədov çıxış edərək kənd haqqında icra başçısına, görüş iştirakçılarına ətraflı məlumat verib.
Qəbulda kənd sakinləri kənd yoluna asfalt örtüyünün döşənməsi , baxça və məktəbin əsaslı təmiri, kənddə fəaliyyət göstərən məscidin qeydiyyata alınması, kənd yoluna təhlükəsizliyin təmin olunması baxımından radar kimi tanınan texniki cihazın qoyulması və digər məsələlərlə bağlı rəy və təkliflərini veriblər.
Vətəndaşların müraciətlərində qaldırılan məsələlərin bir qisminin həllinə yerindəcə köməklik göstərilib, araşdırılmasına ehtiyac olan digər məsələlərin həlli aidyyəti üzrə müəssisə və təşkilat rəhbərlərinə tapşırılaraq nəzarətə götürülüb.
Kənd sakinləri onların müraciətlərinə diqqət və həssaslıqla yanaşıldığı üçün rayon rəhbərliyinə və ölkə başçısına öz minnətdarlıqlarını bildiriblər.
