18 May 2024 20:53

Natavan küçəsində yaşayan sakinlərin müraciəti dinlənildi-FOTO

Azadsöz.az xəbər verir ki, Göyçay  rayon Natavan küçəsi 7-də  çoxmənzilli yaşayış binasında  yaşayan  sakinlərin müraciət  əsasında  görüş  keçirilib.

Görüşdə  Rayon İcra Hakimiyyəti başçısının Göyçay şəhər inzibati ərazi dairəsi üzrə nümayəndəsi Seymur Soltanov, bələdiyyə  sədri   Zöhrab Rasulov,  Göyçay  Rayon İcra Hakimiyyəti yanında  Şəhər Təsərrüfatı Birliyi  İdarəsi, Göyçay Rayon Gigiyena və Epidemiologiya Mərkəzi, Göyçay İcma İnkişaf Mərkəzinin rəhbəri Elşən  Süleymanov və  binanın  sakinləri  iştirak  ediblər.

Vətəndaşlar  binanın  həyətinə  asfalt örtüyünün döşənməsi, təmizlik və dezinfeksiya işlərinin aparılması, mövcud olan  quyunun  doldurulması və  idman  meydançasının  yaradılması  ilə  bağlı rəy və təkliflərini veriblər.

Görüşün  sonunda sakinlərin  müraciətlərində qaldırılan məsələlərin  həlli  istiqamətində  işlərin  mərhələli  şəkildə  görüləcəyi  diqqətə  çatdırılıb.