Azadsöz.az xəbər verir ki, Göyçay Rayon İcra Hakimiyyəti yanında Şəhər Təsərrüfatı Birliyinin Sanitar-Təmizlik şöbəsi tərəfindən rayonda təmizlik işləri gündəlik olaraq aparılır.
Belə ki, 27 fevral tarixində növbəti təmizlik işləri rayonun Atatürk küçəsində aparılıb.
Qeyd olunan küçə və küçədə yerləşən çoxmənzilli yaşayış binalarının həyəti qurumuş xəzəl yarpaqlarından, məişət tullantılarından, plastik qablardan təmizlənib və həmin ərazi süpürülərək səliqəyə salınıb.
Bütün bu görülən işlərə baxmayaraq yol kənarlarına yenə də tullantılar atılır, yaşayış məntəqələrinin ətrafında kütləvi zibilliklər yaranır.
Ona görə də rayonumuzun sakinlərini və qonaqlarını təmizliyə riayət etməyə, ətraf mühiti və təbiətimizi qorumağa çağırırıq.