Azadsöz.az xəbər verir ki, 13 oktyabr 2022-ci il tarixdə Göyçay rayonu ilə bağlı “Göyçay ensiklopediyası” fündamental əsərinin növbəti silsiləsindən olan “Göyçay tarixi” adlı kitabının təqdimat mərasimi keçirildi.
Göyçay şəhər Heydər Əliyev Mərkəzində keçirilən tədbirdə rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, Azərbaycanda Vətəndaş Cəmiyyətinin İnkişafına Yardım Assosiasiyasının prezidenti Elxan Süleymanov, Azərbaycanda Vətəndaş Cəmiyyətinin İnkişafına Yardım Assosiasiyasının vitse-prezidenti, tarix üzrə elmlər doktoru Azərbaycan Turizm və Menecment Universitetinin professoru Məhərrəm Zülfüqarlı, Siyasi elmlər üzrə fəlsəfə doktoru, əməkdar jurnalist Fuad Babayev, Filologiya elmləri doktoru, professor Asif Hacılı və rayon ictimaiyyətinin nümayəndələri iştirak edirdilər.
Tədbir iştirakçıları əvvəlcə Heydər Əliyev parkında Ümummilli Liderin abidəsini ziyarət edib, önünə gül-çiçək dəstələri düzmüşlər.
“Göyçay tarixi” adlı kitabın təqdimat mərasiminə başlamamışdan əvvəl şanlı qələbəmizin növbəti ildönümü ərəfəsində bu qələbə naminə canından keçmiş bütün şəhidlərimizin əziz xatirəsini bir dəqiqəlik sükutla yad edilmişdir.
Rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev tədbir iştirakçılarını salamlayaraq qeyd etdi ki, bu günki tədbirimiz biz Göyçaylılar üçün çox böyük əhəmiyyət kəsb edən bir tədbirdir. Çünki bugün bizim vətənimiz, Azərbaycan Respublikasının Şirvan düzünün Şimal hissəsində böyük Qafqaz dağlarının ətəklərində yerləşən öz çinarı və narı ilə məşhur olan doğma Göyçayımız haqqında kitabın təqdimatına həsr olunub.
“Göyçay tarixi” adlanan bu kitabın ideya müəllifi olan həmyerlimiz Azərbaycanda Vətəndaş Cəmiyyətinin İnkişafına Yardım Assosiasiyasının prezidenti Elxan Süleymanova bu təşəbbüsünə görə Göyçaylılar adından öz təşəkkürümüzü bildiririk.
Kitabın müəllifi Assosiasiyasının vitse-prezidenti, tarix üzrə elmlər doktoru Azərbaycan Turizm və Menecment Universitetinin professoru Məhərrəm Zülfüqarlının “Göyçay tarixi” adlı kitabının işıq üzü görməsi Azərbaycanın qədim tarixə malik bölgələrindən biri olan doğma Göyçayımızın tarixinə həsr olunması biz Göyçaylıları çox sevindirdi. Bu kitab Assosiasiyasının Göyçay tarixinə həsr etdiyi sayca 3-cü kitabdır və hal-hazırda Göyçay ensiklopediyası üzərində işlər davam etdirilir.
Azərbaycanda Vətəndaş Cəmiyyətinin İnkişafına Yardım Assosiasiyasının prezidenti Elxan Süleymanov, Azərbaycanda Vətəndaş Cəmiyyətinin İnkişafına Yardım Assosiasiyasının vitse-prezidenti, tarix üzrə elmlər doktoru Azərbaycan Turizm və Menecment Universitetinin professoru Məhərrəm Zülfüqarlı, Siyasi elmlər üzrə fəlsəfə doktoru, əməkdar jurnalist Fuad Babayev, Filologiya elmləri doktoru, professor Asif Hacılı, Coğrafiya elmləri doktoru, professor respublikanın əməkdar müəllimi, “Şöhrət” ordeni laureatı Şövqi Göyçaylı, rayon ziyalıları adından respublikanın əməkdar müəllimi Pərviz Yəhyalı və digərləri çıxış edərək “Göyçay tarixi” kitabı haqqında ətraflı məlumat vermişlər.
