25 İyul 2024 11:17

Masallıda 7 ton ot bağlaması yandı

Azadsöz.az xəbər verir ki, Masallı rayonunun Qədirli kəndində ot bağlaması  yanıb.

Yanğının söndürülməsi üçün əraziyə  FHN-nin Masallı Dövlət Yanğından Mühafizə Hissəsinin yanğınsöndürən avtomobili və canlı qüvvəsi cəlb olunub.

Belə  ki, ümumi sahəsi 112 m² olan talvarın yanar konstruksiyaları 70 m² sahədə və altına yığılan 13 ton ot bağlamasının 7 tonu yanıb. Talvarın və ot bağlamalarının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.