Göyçay rayonunda Prezident İlham Əliyevin müvafiq Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilməsi ilə bağlı Rayon İcra Hakimiyyətinin təsdiq etdiyi Tədbirlər Planına uyğun olaraq rayonda dekorativ güllərin əkilməsi davam etdirilir.
Azadsöz.az xəbər verir ki, 13-14 iyun tarixlərində Göyçay Rayon İcra Hakimiyyəti yanında Şəhər Təsərrüfatı Birliyinin Yaşıllaşdırma Sahəsinin işçi kollektivi tərəfindən “Yaşıl dünya naminə həmrəylik ili” çərçivəsində Bakı-Şamaxı-Yevlax avtomobil yolunun Göyçay rayonunun Natəvan küçəsində yerləşən yol dairələrinə və Heydər Əliyev prospektinə növbəti dəfə dekorativ güllər əkilib.
İlkin olaraq, güllərin əkilməsi üçün nəzərdə tutulmuş ərazilərdə çalalar qazılıb və digər zəruri hazırlıq işləri görülüb.
Daha sonra əkilməsi həyata keçirilib.Yeni əkilən güllər suvarılıb və aqrotexniki qulluq göstərilib.
Qeyd edək ki, sözügedən ərazilərə 160 ədəd xrizontema və 50 ədəd paqades dekorativ güllər əkilib.
Gülşən Muradova
Zəka Nağıyev
Arif Heydərov
