22 İyun 2024 19:21

Mehriban Əliyeva Göyçaylı cüdoçu Hidayət Heydərovu təbrik etdi

Azadsöz.az xəbər verir ki, Azərbaycanın Birinci vitse-prezidenti Mehriban Əliyeva cüdoçu Hidayət Heydərovu dünya çempionu titulu uğrunda yarışlarda qələbə qazanması münasibətilə təbrik edib.

Bu barədə Birinci vitse-prezident Mehriban Əliyeva “İnstagram”da paylaşım edib.

“Cüdoçu Hidayət Heydərovu dünya çempionu titulu uğrunda yarışlarda qələbə qazanması münasibətilə səmimi-qəlbdən təbrik edirəm! Mükəmməl çıxış edən idmançımız yenilməz iradə, əzmkarlıq və məharət nümayiş etdirərək parlaq və inamlı qələbə qazandı! Gərgin əməyinə, Azərbaycan azarkeşlərinə bəxş etdiyi sevincə görə cüdoçumuza təşəkkür edir, ona möhkəm cansağlığı, yeni-yeni qələbələr və nailiyyətlər arzulayıram!”, – paylaşımda deyilir.

Qeyd edək ki, H.Heydərov əslən Göyçay rayonunun Alxasava kəndindəndir.Hal-hazırda Bakı şəhərində yaşayır.