14 İyun 2024 00:40

Qarabağ Universitetinə qəbul planı təsdiqlənib

Azadsöz.az xəbər verir ki, bunu jurnalistlərə açıqlamasında elm və təhsil naziri Emin Əmrullayev deyib.

Nazir bildirib ki, sentyabr ayında universitetdə tədrisin başlanması nəzərdə tutulur: “Universitetdə infrastrukturla bağlı işlər davam edir. İyunun sonuna qədər yataqxana, tədris binası və onun ətrafı ilə bağlı əsas işlər bitəcək. Ümumilikdə proses avqusta qədər davam edəcək. Qarabağ Universitetində 1200 tələbənin təhsil alacağı proqnozlaşdırılır. Bütün tələbələrə təhsil ödənişsiz olacaq”.

E.Əmrullayev əlavə edib ki, hər bir ixtisas üzrə yüksək bal toplayan tələbələrə əlavə təqaüdün verilməsi üzərinə iş gedir: “Eyni zamanda hər bir tələbəyə kompüter verilməsi də təmin ediləcək”.

Nazir qeyd edib ki, universitetə üç proqram rəhbəri qəbulu artıq bitib və bu həftə ərzində nəticələr açıqlanacaq: “Yerli ali təhsil müəssisələrinin müəllim heyəti ilə mübadilə olacaq”.