Azadsöz.az xəbər verir ki, 19 yanvar 2024-cü il tarixində Mərkəzi Aran Regional Mədəniyyət İdarəsi Göyçay rayon Mədəniyyət Mərkəzinin və Göyçay rayon İcra Hakimiyyətinin birgə təşkilatçılığı ilə rayon Mədəniyyət Mərkəzində 20 Yanvar faciəsinin 34-cü ildönümü ilə əlaqədar “Güllələnən qərənfildən cənnət rəmzi xarıbülbülə qədər” ədəbi-bədii kompozisiya nümayiş edilib.
.Tədbirdə Göyçay RİH başçısı aparatının məsul şəxsləri, rayonun hüquq-mühafizə orqanlarının, idarə, müəssisə və təşkilatların rəhbərləri, Birinci Qarabağ və Vətən müharibəsi şəhidlərinin ailələri, müharibə iştirakçıları, ictimaiyyət və KİV nümayəndələri iştirak ediblər.
Anım tədbiri Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Daha sonra Göyçay rayon Mədəniyyət Mərkəzinin əməkdaşlarının təqdimatında 20 Yanvar faciəsi qurbanlarının əziz xatirəsinə həsr olunmuş ədəbi-bədii kompozisiya nümayiş olunub.
