Azadsöz.az xəbər verir ki, Göyçay rayon İcra Hakimiyyətinin başçısı Natiq Ağayevin tapşırığına əsasən rayonun Qarabaqqal kəndində “Rüstəm” MMC şirkətinin əznində yerləşən heyvan bazarında təmizlik və səliqə səhman işləri aparılıb.
İribuynuzlu və xırdabuynuzlu heyvanların satışı üçün nəzərdə tutulmuş bazarda piştaxtalar üzlənərək qaydaya salınıb, ərazi məişət tullantılarından təmizlənib, müxtəlif növ meyvə ağacları əkilib.
Mütamadi olaraq Göyçay Rayon Gigiyena və Epidemiologiya Mərkəzi tərəfindən bazarda dezinfeksiya işləri aparılır.
Qeyd edək ki, qış və yay aylarında bazara üz tutan satıcıların və alıcıların rahatçılığını təmin etmək məqsədilə tezliklə bazarın üstünün örtülməsi nəzərdə tutulub.
