Azadsöz.az xəbər verir ki, Göyçay rayonunda şəhid ailələrinə, müharibə əlillərinə və iştirakçılara daim diqqət, qayğı ilə yanaşılır, rayon icra hakimiyyəti həmin ailələrin problemləri ilə mütəmadi maraqlanır, qaldırdıqları məsələlərin həlli ilə bağlı müvafiq tədbirlər həyata keçirir.
Göyçay rayonunun Ləkçıplaq kəndində yaşayan I Qarabağ müharibəsində ərazi bütövlüyünün təmin olunması uğrunda gedən döyüşlərdə qəhrəmancasına şəhid olmuş İsmayıl Arif oğlu İsmayılovun atası İsmayılov Arif Məhəmməd oğlu 20220-ci ilin noyabrında fərdi yaşayış evinin dam örtüyünün dəyişdirilməsi üçün Göyçay rayon İcra Hakimiyyətinə etdiyi müraciət təmin edilib.Göyçay Mənzil İstismar İdarəsinin əməkdaşları tərəfindən evin dam örtüyü dəyişdirilərək, ailənin ixtiyarına verilib.
Qeyd edək ki, İsmayıl Arif oğlu İsmayılov 1969-cu ildə Göyçay rayonunun Ləkçıplaq kəndində anadan olub.1994-cü il yanvarın 29-da Kəlbəcər rayonunun Qanlı kəndi uğrunda gedən döyüşlərdə şəhid olub. Göyçay rayon Ləkçıplaq kəndində dəfn edilib.
