Azadsöz.az xəbər verir ki, Göyçay rayon İcra Hakimiyyəti tərəfindən Vətən müharibəsi şəhidlərinin ailələrinə, əlillərə və iştirakçılara daim diqqət, qayğı ilə yanaşılır, həmin ailələrin problemləri ilə mütəmadi maraqlanılır, qaldırdıqları məsələlərin həlli ilə bağlı müvafiq tədbirlər həyata keçirilir.
44 günlük Vətən müharibəsində ölkəmizin ərazi bütövlüyü uğrunda gedən döyüşlərdə yaralanan Göyçay rayonunun Mallı-Şıxlı kənd sakini, qazi Məmmədov Yusif Müşviq oğlunun Göyçay rayon İcra Hakimiyyətinə bu ilin oktyabrında etdiyi müraciət əsasında məişət şəraiti yaxşılaşdırılıb.Qazimizin ailə üzvləri üçün mətbəx və sanitar qovşağı tikilərək ailənin ixtiyarına verilib.
Qeyd edək ki, Yusif Müşviq oğlu Məmmədov 28 mart 2002-ci ildə Göyçay rayonunun Mallı-Şıxlı kəndində anadan olub.2020-ci il mayın 7-də Həqiqi hərbi xidmətə yollanıb.27 sentyabr 2020-ci ildə başlayan Vətən müharibəsinin ilk günündən döyüşlərə qatılıb. Murov və Kəlbəcər istiqamətində gedən döyüşlərdə iştirak edib. Sentyabrın 30-da döyüş tapşırığını yerinə yetirən zaman yaralanaraq qazi olub.
