Azadsöz.az xəbər verir ki, Yeni İctimai Nəzarət Şurasının Sabunçu rayon təşkilatı üzrə rəhbəri İltifat Məmmədov başda olmaqla, kollektiv 44 günlük Vətən Müharibəsində şəhidlik zirvəsinə ucalan Mais Şakir oğlu Səfərovun Sabunçu rayonu Balaxanı qəsəbində yerləşən ünvanında olublar. Şəhidimizin ailəsi onunla bağlı xatirələrini bölüşüb, Mais Səfərovun vətənə, torpağa necə bağlı olduğunu diqqətə çatdırılıb.
Qeyd edək ki, Mais Şakir oğlu Səfərov 20 iyul 1999-cu ildə Neftçala rayonunun Xolqarabucaq kəndində anadan olub.İbtidai təhsilini 2006-ci ildə Səbail rayonu Bayıl qəsəbəsi 163 saylı tam orta məktəbdə alıb. Daha sonra təhsilini 2010- 2015-ci illərdə Sabunçu rayonu Balaxanı qəsəbəsi,C.Cahangirov adîna 4 saylı tam orta məktəbdə davam etdirib.2015 -2019- ci ildə Bakı Humanitar Kollecinin “Təsviri İncəsənət müəllimliyi” ixtisasını bitirib.01.07.2019 cu ildə Neftcala RHK_dan həqiqi hərbi xidmətə yollanıb,Goranboy Ağcakənd kəndində xidmət edib.Əsgərlikdə olarkən xidmətini layiqli yerinə yetirdiyi üçün dəfələrcə fəxri fərmana layiq görülüb.
Mais Səfərov 2020-ci il sentyabrın 27-də başlanan Vətən Müharibəsində iştirak edib. Talış yüksəklikləri, Murovdağ və Suqovuşan uğrunda gedən döyüşlərdə iştirak edib. 1 oktyabr 2020-ci ildə Goranboy rayonunun Tap Qaraqoyunlu kəndi, Kəhrilər xarabalığı istiqamətində şəhid olub.
Prezident İlham Əliyevin Sərəncamına əsasən, Mais Səfərov ölümündən sonra “Vətən uğrunda” , “Cəsur döyüşçü” , “Suqovuşanın azad olunmasına görə” və “Kəlbəcərin azad olunmasına görə” medalları ilə təltif edilib.
