Azadsöz.az xəbər verir ki, Göyçay rayonunun prospekt və küçələrində təmizlik, səliqə-sahman işləri qrafikə uyğun olaraq gündəlik aparılır.
Növbəti təmizlik və cari təmir işləri rayonun Qarabaqqal kənd ərazində yerləşən məişət tullantılarının toplandığı poliqonda görülüb.
Göyçay Rayon İcra Hakimiyyəti yanında Şəhər Təsərrüfatı Birliyinin texnikası əraziyə cəlb olunaraq poliqona toplanan şüşə, plastik butulkalar, məişət və digər tullantılar texnika vasitəsilə təmizlənib.Təmizlik maşınlarının poliqona rahat şəkildə giriş-çıxışı üçün lazımi şərait yaradılıb.
Ərazidə mövcud yolun genişləndirilməsi məqsədilə cari təmir işləri aparılaraq, yolun genişləndirilməsi, hamarlanması və çınqılla örtülməsi işləri görülüb.
