Azadsöz.az xəbər verir ki, Millenium Turizm şirkətinin rəhbəri Ruslan Guliyev və İsraildən gələn bir qrup şəxs “Naigin K Tovuz Baltiya” şirkətinin qonağı olub.“Naigin K Tovuz Baltiya” şirkətinin icraçı direktoru Günel Məmmədhəsənova qonaqlara şirkətdə istehsal olunan müxtəlif şərab və şərab məhsullarının bar-miksologiya sahəsində istifadə qaydası və mövcud olan potensialı haqqında geniş məlumat verib.Həmçinin qonaqlara şirkətin məhsullarından dadmağı təklif edib.
“Made in Azerbaijan” markası ilə öz rəqabətə davamlı və keyfiyyətli məhsullarını beynəlxalq bazarlarda tanıdaraq, yüksək peşəkarlıqla satışını həyata keçirən “Naigin K Tovuz Baltiya” şirkəti ilə tanışlıq qonaqlarda böyük ruh yüksəkliyi yaradıb.Görüşün sonunda Millenium Turizm şirkətinin rəhbəri Ruslan Guliyev və İsraildən gələn bir qrup şəxs göstərilən hörmət və diqqət üçün şirkətin icraçı direktoru Günel Məmmədhəsənova təşəkkürünü bildirib.Qonaqlar Naigin K Tovuz Baltiya” şirkətinə daxili və xarici bazarda yüksək alıcı qüvvəsinin olmasını arzu ediblər.
Günel xanım Məmmədhəsənova görüşlə bağlı fikirlərini özünün sosial hesabında paylaşıb:
“ Dəyərli tərəfdaşımız Millenium Turizm şirkətinin rəhbəri Ruslan Guliyev bəyin Israildən gələn qonaqları bu gün bizim qonağımız oldular. Ruslan bəy təşəkkür edirik ölkəmizin qeyri neft sektoruna dəstək olduğunuz üçün.Gələn qonaqlarımız məhsullarımızın keyfiyyətindən razı qaldıqlarına əminik. Adımız Keyfiyyətimizdir!! KarabakhisAzerbaijan” !!!.
