Azadsöz.az xəbər verir ki, torpaqlarımızın azadlığı uğrunda gedən döyüşlərdə şəhidlik zirvəsinə yüksəlmiş Həsən Bayramovun şəhadətə yüksəlməsinin bu gün üçüncü ildönümüdür. Həsən Ağaisa oğlu Bayramov 2001-ci il iyunun 22-də Göyçay rayonunun Birinci Ərəbcəbirli kəndində anadan olub.2019-cu il iyulun 3-də hərbi xidmətə çağırılıb.
O, 2020-ci il sentyabrın 27-də başlayan Vətən müharibəsində döyüşlərə qatılıb. Tərtər-Ağdərə istiqamətində gedən döyüşlərdə iştirak edib.2020-ci il oktyabrın 1-də Tərtər-Ağdərə istiqamətində hərbi əməliyyatlar zamanı düşmən mərmisinin partlaması nəticəsində qəlpə yarası alıb və şəhadətə qovuşub.13 dekabr 2020 ci ildə Göyçay rayon Şəhidlər Xiyabanında dəfn olunub.
Həsən Bayramov İlham Əliyevin Sərəncamlarına əsasən, ölümündən sonra “Suqovuşanın azad olunmasına görə”, ”Cəsur döyüşçü” və “Vətən uğrunda” medalları ilə təltif edilib.
Xatırladaq ki, bu gün Göyçayda küçələrindən biri şəhid Həsən Bayramovun adını daşıyır. Həmçinin şəhidin yaşadığı küçədə adına bulaq inşa edilib.
Səbuhi Eltonlu
Gülşən Muradova
Zəka Nağıyev
