Azadsöz.az xəbər verir ki, bu gün Vətən müharibəsində qəhrəmancasına şəhid olan Orxan Kərimlinin şəhadətə qovuşmasından üç il ötür.
Orxan Akif oğlu Kərimli 2001-ci il oktyabrın 6-da Göyçay şəhərində anadan olub.2007-ci ildə Göyçay rayonu, Nizami Gəncəvi adına 7 saylı orta məktəbin 1-ci sinfinə gedib.2018-ci ildə orta məktəbi bitirib.Həmin ildə Naxçıvan Dövlət Universitetinin “Hüquqşünaslıq” ixtisasına qiyabi daxil olub.2019-cu il oktyabrın 9-da hərbi xidmətə yollanıb.
Orxan Kərimli 2020-ci il sentyabrın 27-də başlayan Vətən müharibəsi zamanı Murovdağ istiqamətində gedən döyüşlərdə iştirak edib. Oktyabrın 9-da Murovdağ döyüşləri zamanı şəhid olub. Göyçayda Şəhidlər Xiyabanında dəfn olunub.
Prezident İlham Əliyevin Sərəncamına əsasən, Orxan Kərimli ölümündən sonra Vətən uğrunda”, “Cəsur döyüşçü”, “Kəlbəcərin azad olunmasına görə” və “Qubadlının azad olunmasına görə” medalları ilə təltif edilmişdir.
Səbuhi Eltonlu
Gülşən Muradova
Zəka Nağıyev
