Azadsöz.az xəbər verir ki, Mərkəzi Aran Regional Təhsil İdarəsinin tabeliyində olan məktəbəqədər təhsil müəssisələrinə uşaqların qəbulu prosesi ilə bağlı 1 şəhər və 6 rayonda 23 alternativ qeydiyyat mərkəzi yaradılıb.
Qeyd olunan bu mərkəzlərdən Göyçay rayonunun məktəblərində də yaradılıb.
Belə ki, rayonun mərkəzində fəaliyyət göstərən Rəsul Rza adına 1 saylı tam orta məktəbi, Mehman Muradov adına 4 saylı tam orta məktəbi və N.Gəncəvi adına 7 saylı tam orta məktəbi qeyd etmək olar.
Qeyd edək ki, məktəbəqədər təhsil müəssisələrinə uşaqların qəbulu ilə bağlı “www.bq.edu.az” portalı vasitəsilə özü elektron qeydiyyatdan keçə bilməyən və ya internet resurslarına çıxış imkanı olmayan vətəndaşlar aidiyyəti ərazi üzrə fəaliyyət göstərən ən yaxın alternativ qeydiyyat mərkəzinə müraciət edə bilərlər. Alternativ qeydiyyat mərkəzləri həftənin I-V günləri saat 09:00-dan 18:00-a qədər fəaliyyət göstərir.
