Azadsöz.az xəbər verir ki, UEFA Çempionlar Liqasının Liqa mərhələsində səfərdə “Liverpul”la (İngiltərə) qarşılaşan “Real” (Madrid, İspaniya) klubunun avtobusu qəzaya uğrayıb.
Britaniya mətbuatının məlumatına əsasən, xoşagəlməz hadisə zamanı yük maşını Madrid təmsilçisinin avtobusuna çırpılıb.
Qəza zamanı komandanın formalarını daşıyan avtobusda klub rəsmilərindən və futbolçulardan heç kim olmayıb.
Qeyd edək ki, Çempionlar Liqasının V turunun oyununda “Liverpul” doğma meydanda “Real”a 2:0 hesabı ilə qalib gəlib.