Azadsöz.az xəbər verir ki, 21 noyabr 2024-cü il tarixdə Göyçay Rayon İcra Hakimiyyətinin başçısı Natiq Ağayev Potu kənd inzibati ərazi dairəsi üzrə nümayəndəliyinə daxil olan Kürd kəndində vətəndaşlarla növbəti səyyar qəbul keçirib.
Qəbulda rayon İcra Hakimiyyətinin başçısı Natiq Ağayev, Milli Məclisin deputatı Sabir Hacıyev, RİH başçısı aparatının məsul şəxsləri, idarə, müəssisə, təşkilat rəhbərləri və kənd sakinləri iştirak ediblər.
Rayon rəhbəri çıxış edərək, son illərdə respublikamızın, o cümlədən Göyçay rayonunun sosial-iqtisadi inkişafı, əhalini narahat edən problemlərin həlli istiqamətində görülən tədbirlər, əhalinin sosial rifah halının yaxşılaşdırılması istiqamətində ölkə rəhbərliyi tərəfindən həyata keçirilən sosial layihələr barədə kənd sakinlərinə məlumat verib.
Daha sonra Rayon İcra Hakimiyyəti başçısının Potu kənd inzibati ərazi dairəsi üzrə nümayəndəsi vəzifəsini müvəqqəti icra edən Rəsulov Yusif çıxış edərək Kürd kəndinin əhalisi, sosial-iqtisadi inkişafı, kənd sakinlərinin məşğuliyyəti və nümayəndəlik ərazisində görülən işləri qeyd edib.Vətəndaşların müraciətlərini səsləndirən Y.Rəsulov kəndin elektrik enerjisinin verilməsində illərdir ki, tez-tez yaranan fasilələr olduğunu diqqətə çatdırıb.
Natiq Ağayev qaldırılan problemin nəzarətdə saxlayaraq və aidiyyəti qurum rəhbərliyinə yaranmış çətinliyin tez bir vaxtda aradan qaldırılması üçün tapşırıq verib.
Qeyd olunan məsəlinin müsbət həlli üçün Potu kənd inzibati ərazi dairəsi üzrə nümayəndəsi və Göyçay Rayon Elektrik Şəbəkəsi tərəfindən əraziyə baxış keçirilib.Müəyyən olunub ki, quşçuluq xətti deyilən ərazidən xətt ayrıcı qoyulmalıdır. Qurumun işçi heyyəti kənd sakinlərinin yaranmış uzun müddətlik problemini arada qaldırıblar.
