Azadsöz.az xəbər verir ki, 13 iyul 2023-cü il tarixdə Göyçay rayon İcra Hakimiyyətinin başçısı Natiq Ağayev Göyçay rayonunun Şəhadət kəndində mövcud olan Göyçay Su-Kanal sahəsinin çirkab sutəmizləyici qurğusunda görülən işlərlə maraqlanıb.
Görüşdə RİH başçısı aparatının məsul şəxsləri, Şəhadət kəndinin inzibati ərazi dairəsi üzrə nümayəndəsi, bələdiyyə sədri və «Göyçay Su-Kanal» Törəmə Səhmdar Cəmiyyətinin sədri Soltan Mahmudov iştirak edib.
«Göyçay Su-Kanal» Törəmə Səhmdar Cəmiyyətinin sədri Soltan Mahmudov rayon rəhbərinə məlumat verərək bildirib ki, Göyçay rayonun Şəhadət kəndində mövcud olan Göyçay Su-Kanal sahəsinin çirkab sutəmizləyici qurğusu suyun təmizlənməsi üçün 13 mərhələdən keçir.Qurğu kompleksində durultma hovuzları, barmaqlıqlar, qumtucu və yağ ayırıcı kameralar, bio-fosfor, çökdürücü və təmizlənmiş suyun saxlanılması üçün çənlər, nasos stansiyaları, filtrlər, ultrabənövşəyi dezinfeksiya və digər sistemlər quraşdırılmışdır.Soltan Mahmudov vurğulayıb ki, qurğunun üstünlüyü ondan ibarətdir ki, çirkabdan təmizlənmiş su əkin sahələrinin suvarmasında istifadə olunur.
Daha sonra rayon rəhbəri müəssisənin xidməti laboratoriya otağına baxış keçirib, burda görülən işlərlə tanış olub.Kənd təsərrüfatı ilə məşğul olan vətəndaşlara yüksək səviyyədə xidmət göstərilməsi üçün tapşırıq və göstərişlər verib.
