“Azadsöz.az” 01.05.2023- tarixindən 06.05.2023-cü tarixinə kimi Göyçay rayonunun bu kəndlər üzrə görülən işlərin həftəlik icmalını təqdim edir:
Azadsöz.az xəbər verir ki, Rayon İcra Hakimiyyəti başçısının Qarabaqqal kənd inzibati ərazi dairəsi üzrə nümayəndəliyinin və kənd bələdiyyəsinin təşkilatçılığı ilə Bakı-Şamaxı-Yevlax avtomobil yolunun Qarabaqqal kəndinin ərazisindən keçən hissəsində mövcud yaşıllıqlar suvarılaraq aqrotexniki qulluq edilmiş, yol kənaları kol-kosdan, polietilen torbalardan təmizlənərək abadlıq işləri aparılıb.
Azadsöz.az xəbər verir ki, Göyçayda suvarma mövsümünə hazırlıqla əlaqədar arx və kanallarda lildən və kol-kosdan təmizləmə işləri aparılır.
Həmçinin 2023 cü il üçün əkin sahələrinin suvarılmasını mütəşəkkil keçirilməsi məqsədi ilə Qarayazı beton kanalında təmir, lildən təmizləmə və kanal üzərində olan dükerdə qaynaq işlərinə aparılıb.
Azadsöz.az xəbər verir ki, barama yetişdirilməsi ilə əlaqədar göyçaylı kümçülərə 250 qutu (5000 qram) ipəkqurdu toxumu gətirilərək paylanılıb.
Qeyd edək ki, ötən il 67 nəfər kümçü tərəfindən 180 qutu ipəkqurdu bəslənilib, 4537 kiloqram barama istehsal edilib
