Azadsöz.az xəbər verir ki, bu gün gecə saatlarından başlayaraq rayonda yağan güclü yağış elektrik enerjisinin verilişində problemlər yaradıb.
Rayon mərkəzinin bəzi hissələri daxil olmaqla, İkinci Ərəbcəbirli, Çərəkə, Yeniarx, Mallı Şıxlı, Müskürlü, Çaxırlı, Hacalıkənd, Qarabaqqal və Kürd kəndlərində elektrik enerjisinin verilişində fasilə yaranıb.
Hal-hazırda Göyçay Elektrik Şəbəkəsinin mütəxəssisləri tərəfindən həmin ərazilərdə elektrik təsərrüfatında texniki nasazlığın aradan qaldırılması ilə bağlı işlər aparılır.