Azadsöz.az xəbər verir ki, Göyçay rayon icra hakimiyyəti başçısının şəhər inzibati ərazi dairəsi üzrə nümayəndəliyi və Sanitar-Təmizlik şöbəsi tərəfindən rayonun Heydər Əliyev prospekti daxil olmaqla bütün küçələrinə sanitar təmizliyin yaxşılaşdırılması məqsədilə məişət tullantılarının yığılması üçün nəzərdə tutulan konteynerlər qoyulsa da yenə də rayonumuzun bəzi məsuliyyətsiz sakinləri tərəfindən xoşagəlməz mənzərə ilə rastlaşırıq.
Dəfələrlə media və sosial şəbəkələr vasitəsilə rayonun təmizliyinə xələl gətirən bəzi vətəndaşlarımızla bağlı çağırışlar etməyimizə baxmayaraq bildiklərini etməkdə davam edirlər.Şəhəri zibilləməkdən bezməməklə yanaşı indi də məişət tullantılarının yığılması üçün nəzərdə tutulan konteynerlərə qənim kəsiliblər. Belə ki, konteynerlərə məişət tullantılarını atmaqla yanaşı, həmin konteyneri yandırmaqla zövq alıb özlərini qoçaq hesab edirlər.
Bildirək ki, bir müddət əvvəl rayonun Nizami küçəsində konteynerin yandırılması ilə bağlı xəbər hazırlamışdıq.Amma, hadisənin yenidən təkrarlandığını gördük. İndi video vasitəsilə tanış olunacağınız bu mənzərə isə gecə saatlarında rayonun Heydər Əliyev prospektində çəkilib.Qəhrəman sakinlərimiz konteyneri yandıraraq ətrafı çirkləndirməklə digər sakinlərin rahatlığına mane olublar. Məsələ ilə bağlı həmin şəxslərə qarşı müvafiq ölçü götürülməsi üçün əraziyə Göyçay rayon polis şöbəsinin əməkdaşları cəlb olunub.
Məişət tullantılarının yığılması üçün nəzərdə tutulan konteynerlərə qənim kəsilən rayonun bu cür qəhrəmanlarına bildirmək istəyirik ki, yandırdığınız həmin konteynerlər dəmirdən deyil sizin qəhrəmanlığınıza tab gətirsin.Unutmayın ki, sizin gördüyünüz bu əməlləri çəkmək Sanitar-Təmizlik şöbəsinin vəzifə borcu deyil.Onların səlahiyyətlərinə rayonu məişət tullantılarından gündəlik təmizləmək daxildir.