İcra başçısı qazilərlə görüşdü -FOTO

Azadsöz.az  xəbər  verir  ki, 44 günlük  Vətən müharibəsi iştirakçılarının sosial problem və qayğılarını operativ şəkildə həll etmək məqsədilə  Göyçay rayon İcra Hakimiyyətinin başçısı Natiq  Ağayev İcra  Hakimiyyətinin inzibati  binasında qazilərlə görüş keçirib.

Görüşü giriş sözü  ilə  açan  rayon rəhbəri Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusunun işğal altında olan torpaqlarımızı azad etmək məqsədilə sentyabrın 27-dən etibarən başladığı zəfər yürüşü qalibiyyətlə başa çatdığını  vurğulayıb. 44 gün davam edən hərbi əməliyyatlar nəticəsində Azərbaycan Ordusu mənfur düşməni darmadağın edərək uzun illər işğal altında qalan torpaqlarımızı azad etdiyini, Ali Baş Komandanın rəhbərliyi ilə Ordumuz bütün dünyaya öz qüdrətini, gücünü nümayiş etdiyini  diqqətə  çatdırıb.

Daha  sonra  görüşdə qazilərin  qayğılarını dinləyən rayon  rəhbəri onların həlli üçün göstərişlər verib.

Sonda qazilər göstərilən  diqqət və  qayğıya  görə  Prezident  İlham Əliyevə, Azərbaycan Respublikasının Birinci Vitse-Prezidenti Mehriban xanım Əliyevaya və  rayon  rəhbərliyinə minnətdarlıqlarını bildiriblər.