23 İyun 2024 07:45

Şəhid Elnur Məhərrəmovun 40 mərasimi keçirilib-FOTO

Azadsöz.az xəbər  verir  ki,  sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribatın  qarşısını alarkən qəhrəmancasına şəhid olan Göyçay rayonunun Şəkər kənd sakini Elnur Məhərrəmovun  bu  gün  40  mərasimi  keçirilib.

Mərasimdə  rayon İcra Hakimiyyətinin başçısı Natiq  Ağayev, RİH başçısı aparatının əməkdaşları, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi Famil Əliyev, Şəhid Ailələrinə “Qayğı” Cəmiyyətinin Göyçay rayon şöbəsinin rəhbəri Eldəniz Rüstəmov, YAP Göyçay rayon təşkilatının sədri Sahib Şükürov, idarə, müəssisə, təşkilatların, rayonunun hüquq-mühafizə orqanlarının rəhbərləri, qazilər,  Vətən müharibəsi iştirakçıları, şəhid ailələri, kənd  sakinləri  iştirak  ediblər.

Əvvəlcə şəhidin əziz xatirəsini ehtiramla yad edib, məzarı üzərinə gül dəstələri düzüblər.

Mərasimdə  çıxış edənlər  Elnur Məhərrəmovun qısa və şərəfli həyat yolundan bəhs ediblər.Prezident, Ali Baş Komandan İlham Əliyevin rəhbərliyi ilə başa çatan Qələbənin tarixi əhəmiyyətindən danışıblar. Ordumuzun gücü, birliyimiz və həmrəyliyimiz sayəsində əldə olunan tarixi Qələbədə Azərbaycanın hansı mərhələlərdən keçdiyini bildiriblər.

Sonra rayon İcra Hakimiyyətinin başçısı şəhidin valdeyinləri üçün yeni inşa edilən yaşayış evində aparılan tikinti işlərinin gedişi ilə maraqlanıb, tapşırıq və tövsiyələrini verib.