Azadsöz.az xəbər verir ki, 23 oktyabr 2022- ci il tarixində Göyçay rayon Mədəniyyət Mərkəzində Yeni Azərbaycan Partiyasının təsis edilməsinin 30 illiyinə həsr olunmuş “Nə? Harada? Nə zaman?” intellektual oyununun seçmə mərhələsi keçirilib.G qrupunda qərarlaşan 11 rayon təşkilatının,Qaradağ ,Yevlax , Ağdaş,Göyçay,Kürdəmir,Ucar,Zərdab,Beyləqan,İmişli, Saatlı, Sabirabad komandaları növbəti mərhələyə vəsiqə qazanmaq üçün mübarizə aparıb.
Əvvəlcə yarış iştirakçıları Yeni Azərbaycan Partiyasının yaradıcısı, xalqımızın ümummilli lideri Heydər Əliyevin şəhərin mərkəzində yerləşən abidəsi önünə gül çiçək dəstələri düzülüb , dahi şəxsiyyətin xatirəsi ehtiramla yad ediblər.
Yarışdan öncə Azərbaycan Respublikasının Dövlət Himni səsləndirilib, partiyamızın qurucusu Ümummilli liderimiz Heydər Əliyevin və torpaqlarımızın azadlığı uğrunda canlarını qurban vermiş Şəhidlərimizin əziz xatirəsini 1 dəqiqəlik sükutla yad edilib.
Yeni Azərbaycan Partiyası Göyçay rayon təşkilatının sədri Sahib Şükürov, Göyçay rayon İcra Hakimiyyəti Başçısının 1-ci müavini İkram Vəliyev çıxış edərək yarış iştirakçılarını salamlayıblar, yarışda iştirak edən komandaların hər birinə uğurlar arzulayıblar.
Daha sonra “Azərbaycan İntellektual Klublar Assosiasiyası” İctimai Birliyinin nümayəndələrinin moderatorluğu ilə yarışa start verilib.
Gərgin mübarizə şəraitində keçən yarışda Göyçay komandası birinci, Sabirabad komandası ikinici, Saatlı komandası isə üçüncü yerə çıxaraq növbəti mərhələyə yüksəliblər.
