Azadsöz.az xəbər verir ki, Göyçay rayonunun Bığır kəndində polisə müqavimət göstərərək ona xəsarət yetirən Bığır kənd sakini
1994-cü il təvəllüdlü Nursoltan Məmmədova hökm oxunub.
Göyçay Rayon Məhkəməsində hakim İbrahim Fəttahovun sədrliyi ilə keçirilən prosesdə Nursoltan Məmmədov 2 il ay 6 müddətinə azadlıqdan məhrum edilib.
Qeyd edək ki, 2022-ci ilin aprelin 27-də sərxoş vəziyyətdə rayon icra hakimiyyəti başçısının kənd üzrə nümayəndəliyinin inzibati binasına Nursoltan Məmmədov gələrək heç bir əsaslı səbəb olmadan dövlət qurumunda nalayiq ifadələr işlədib, pəncərənin şüşəsini sındırıb və hadisə yerinə gələn sahə müvəkkili, polis mayoru Şahin Xalidovun qanuni tələblərinə məhəl qoymayaraq inzibati binanın divarına bərkidilmiş lövhəni sındıraraq bir hissəsi ilə sonuncuya xəsarət yetirib. Bundan başqa, N.Məmmədov polis mayoruna yumruq zərbəsi endirməklə yanaşı, onun kürək nahiyəsindən təpiklə də vurub.