22 May 2024 06:24

Şəhid Xəyal Həsənovun ildönümü qeyd edildi-FOTO

Azadsöz.az  xəbər  verir ki, torpaqlarımızın bütövlüyü uğurunda gedən döyüşlərdə qəhrəmancasına şəhid olan  Xəyal  Zeynəddin oğlu Həsənovun ikinci ildönümü Qaraman kənd qəbirstanlığında şəhidin məzarı önündə qeyd olundu.

Tədbirdə  rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev, RİH başçısı aparatının əməkdaşları, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi Famil Əliyev, Şəhid Ailələrinə “Qayğı” Cəmiyyətinin Göyçay rayon şöbəsinin rəhbəri Eldəniz Rüstəmov,  idarə, müəssisə və təşkilatların rəhbərləri, dindarlar, qazilər, Vətən müharibəsi iştirakçıları, şəhid ailələri,  kənd  sakinləri və şəhidin ailə üzvləri iştirak ediblər.

Əvvəlcə Şəhidin əziz xatirəsi ehtiramla yad olunub, məzarı üzərinə gül dəstələri düzülüb.

Mərasimdə  rayon İcra Hakimiyyətinin başçısı səlahiyyətlərini müvəqqəti icra edən İkram Vəliyev  çıxış edərək  şəhidimizin ailəsinə dərin hüznlə başsağlığı verib, Allahdan rəhmət və səbr diləyib.Bildirib ki, Rəşadətli Azərbaycan Ordusu 2020-ci ilin 27 sentyabrında başlayan İkinci Qarabağ müharibəsində Müzəffər Ali Baş Komandan İlham Əliyevin rəhbərliyi altında müasir hərb tarixi üçün nümunə olan əsl qəhrəmanlıq dastanı yazdı. Azərbaycan xalqının 30 illik Vətən həsrətinə, yurd, el-oba niskilinə 44 gündə son qoyuldu.Hər bir Azərbaycan vətəndaşının  vətəninin qəhrəmanlarını tanımalı  olduğunu  və  onların keçdiyi həyat yolundan çox şeyləri öyrənmələrini diqqətə  çatdırıb. Şəhidlik zirvəsinə ucalanların xatirəsini yaşatmaq, onları gəncliyə nümunə göstərmək bizim mənəvi borcumuz  olduğunu  vurğulayıb.

Daha  sonra digər  natiqlər  çıxış  edərək   Xəyal Həsənovun qısa və şərəfli həyat yolundan bəhs edib, xatirələr dilə gətiriblər. Prezident, Ali Baş Komandan İlham Əliyevin rəhbərliyi ilə başa çatan Qələbənin tarixi əhəmiyyətindən danışıblar.

Məktəblilər vətənpərvərlik mövzusunda şeirlər səsləndiriblər.

Şəhidin ailə üzvləri göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.

Sonda  şəhidimizin  adına ehsan süfrəsi verilib.

Xatırladaq ki, Xəyal Həsənov 2002-ci il aprelin 16-da Göyçay rayonunun Qaraman  kəndində  anadan olub. 2020-ci ilin mayın 27-də  həqiqi  hərbi  xidmətə  yollanıb.

Ermənilərin təxribatından sonra ərizəsi ilə ön cəbhəyə yollanıb.2020-ci il sentyabrın 27-də başlayan  Vətən  müharibəsində iştirak edib.14 oktyabrda  Suqovuşan  istiqamətində  gedən  döyüşlərdə  şəhidlik  zirvəsinə ucalıb.Qaraman kəndində dəfn olunub.

Qeyd edək ki, Prezident İlham Əliyevin  Sərəncamına əsasən,  Xəyal Həsənov ölümündən sonra  “Vətən uğrunda” və “Laçının azad olunmasına görə” medalları ilə  təltif  edilib.

 

Açıklama yok.

Açıklama yok.

Açıklama yok.

Açıklama yok.