Azadsöz.az xəbər verir ki, 19 sentyabr 2022-ci il tarixdə Azərbaycan Respublikası Daxili İşlər Nazirliyinin İdman Cəmiyyəti və Göyçay rayon Gənclər və İdman İdarəsinin birgə təşkilatçılığı ilə Göyçay şəhər stadionunda “Sağlam bədəndə sağlam ruh” devizi altında keçirilən idman yarışında ərazi polis orqanından qeydiyyatdan keçmiş 40 yaxın gənc iştirak etmişdir.
Tədbirdə öncə Azərbaycan Respublikasının Dövlət Himni səsləndirilmişdir.
Çıxış edənlər gənclər arasında sağlam həyat tərzinin təbliğində belə tədbirlərin əhəmiyyətindən və ölkəmizdə idmana göstərilən hərtərəfli dövlət qayğısından danışaraq idmançılara uğurlar arzulamışlar.
Yarışların proqramına müəyyən olunmuş marşurut üzrə 3000 m. məsafəyə kross qaçışı və gimnastika hərəkətləri daxil edilmişdir.
Sonda Hər bir hərəkət üzrə fəxri ( l,ll,lll) yerləri tutan iştirakçılara diplom, medal və hədiyyələr təqdim edilmişdir.
Qeyd edək ki, yarışın keçirilməsində məqsəd gənclər arasında sağlam həyat tərzi və idman yarışları vasitəsilə sosial fəaliyyətin artırılması, gənclərin Daxili İşlər Nazirliyi sistemində təhsil və xidmətə təşviq edilməsi və Daxili Qoşunlarda xidmətə həvəsləndirilməsindən ibarətdir.
