Azadsöz.az xəbər verir ki, bu gün Birinci Qarabağ müharibəsində torpaqlarımızın bütövlüyü uğrunda gedən döyüşlərdə qəhrəmancasına şəhid olan Şahkərəm Qurbanovun anadan olmasından 50 il ötür.
Şahkərəm Böyükağa oğlu Qurbanov 1972 – ci il sentyabrın 20 -də Göyçay şəhərində anadan olub. Məhəmməd Füzuli adına Göyçay şəhər 6№-li tam orta məktəbi bitirdikdən sonra 106 saylı texniki-peşə məktəbində sürücülük peşəsinə yiyələnib.
Şahkərəm Qurbanov 1992 – ci ilin iyununda torpaqlarımızın müdafiəsi üçün döyüş bölgəsinə yollanıb.Bir çox döyüşlərdə fəal iştirak edib.Son döyüşü 1993 – cü ilin fevralında Qazax rayonunun Lələ kəndi ətrafında olub.Bu qızğın və ağır döyüşdə böyük cəsarət göstərən Şahkərəm son anda özünü əl qumbarası ilə partladaraq şəhid olub. Göyçay Şəhidlər Xiyabanında dəfn olunub.