Azadsöz.az xəbər verir ki, Göyçay rayonunda bıçaqlanma hadisəsi olub, xəsarət alanlar var.
Hadisə bu axşam saat 22:00 radələrində rayonun Bığır kəndində qeydə alınıb.
Belə ki, kənd sakini, 1992-ci il təvəllüdlü Namətov İlkin Vidadi oğlu qonşusu 1979-cu il təvəllüdlü Qasımov Eyvaz Böyükağa oğlunun evinə qonaq gedib. Spirtli içki qəbul edən qonşular arasında şəxsi münasibətlər zəmnində dava baş verib. İlkin Namətov üzərində gəzdirdiyi bıçaqla ev sahibi Eyvaz Qasımova, ardınca isə özünə xəsarət yetirib.
Yaralılar Göyçay rayon Mərkəzi Xəstəxanasına aparılıb.
Faktla bağlı Göyçay rayon Polis Şöbəsi tərəfindən araşdırma aparılır. (apa)
