Azadsöz.az xəbər verir ki, dünya şöhrətli dahi şəxsiyyət, qüdrətli dövlət xadimi, Azərbaycan xalqının ümummilli Lideri Heydər Əliyevin xatirə günü ilə əlaqədar Göyçayda silsilə tədbirlər keçirilir. Ulu Öndər Heydər Əliyevin rayonun sosial-iqtisadi inkişafındakı əvəzsiz xidmətlərini həmişə minnətdarlıq hissi ilə xatırlayan göyçaylılar dahi rəhbərin xatirəsini daim əziz tutur, ehtiramla yad edirlər.
Dekabrın 12-də rayon İcra Hakimiyyətinin başçısı, hüquq-mühafizə orqanlarının rəhbərləri Ulu Öndər Heydər Əliyevin abidəsi önünə gül-çiçək dəstələri düzərək Ümummilli Liderin əziz xatirəsini böyük ehtiramla yad ediblər.
Daha sonra İcra başçısı və tədbir iştirakçıları Heydər Əliyev Mərkəzində Ulu Öndərin şərəfli həyat yolunu özündə əks etdirən eksponatlara baxış keçiriblər və Bayraq Muzeyində olublar.
