Azadsöz.az xəbər verir ki, “AzNar” QSC-nin direktoru Teymur Əhmədov və bir qrup zavodun məsul şəxsləri noyabrın 24-də Vətən müharibəsində şəhidlik zirvəsinə yüksələn şəhid polkovnik Babək Mətləb oğlu Səmidlinin məzarını ziyarət ediblər.“AzNar” QSC-i tərəfindən əkilil şəhidin məzarı önünə qoyulub.Məzarı üzərinə tər qərənfillər düzülüb və ruhuna dualar oxunub.
“AzNar” şirkətinin direktoru Teymur Əhmədov çıxış edərək bildirib ki, Vətən müharibəsi başlayan gündən “AzNar” QSC-nin sahibi, biznesmen F.Əhmədov Azərbaycan ordusuna geniş dəstək kampaniyasına başlayıb. Şirkət tərəfindən 44 günlük Vətən Müharibəsi ərzində hər gün cəbhəyə əsgərlərimiz üçün sovqatlar-müəssisənin istehsal etdiyi ekoloji təmiz məhsullar və əsgər üçün lazım isti geyim, corab və s. göndərilib.
Bununla yanaşı şirkət tərəfindən döyüşlərdə yaralanan hərbçilərimizin müalicəsində lazım olan dərman vasitələrinin və tibbi ləvazimatların alınması və xəstəxanalara çatdırılması təşkil edilib.Həmçinin Göyçay və İsmayıllı rayonlarında şəhid ailələrinə maddi yardımlar göstərilib.Mənfur düşmən tərəfindən Gəncəni ballistik raketlərlə atəşə tutması nəticəsində həlak olanların ailələrinə, yaralananlara və evini itirənlərə “AzNar” şirkətinin maddi yardımı olunub.
Teymur Əhmədov çıxışında onu da qeyd edib ki, dünyanı cənginə alan koronavirus pandemiyasının ilk günlərindən “AzNar” QSC-nin sahibi F.Əhmədovun göstərişinə əsasən, sosial baxımdan həssas əhali qruplarına ərzaq yardımları göndərilib.F.Əhmədov Azərbaycanda xeyriyyəçilik ənənəsinə sadiq qalaraq, koronavirusla mübarizəyə dəstək Fonduna 1 milyon manat köçürüb.“AzNar” şirkəti bu gündə F.Əhmədovun tapşırıq və tövsiyələrinə uyğun olaraq, Şəhid ailələrinə və qazilərə daim dəstək göstərir.
Qeyd edək ki, “AzNar” şirkətinin Vətən müharibəsi zamanı iki işçisi şəhidlik zirvəsinə ucalıb.
