Azadsöz.az xəbər verir ki, Almaniya millisinin və “Bavariya”nın sabiq hücumçusu, məşhur futbolçu Herd Müller 76 yaşında dünyasını dəyişib. Onun ölüm səbəbi açıqlanmayıb.
Qeyd edək ki, Müller karyerası ərzində 580 oyunda 523 qol, 104 məhsuldar ötürmə müəllifi olmuşdu. O, üç dəfə Avropa kubokunun qalibi olub. Futbolçu 1964-1979-cu illərdə “Bavariya”da çıxış edib, eləcə də Almaniya millisinin uğurları üçün çalışıb.
