Azadsöz.az xəbər verir ki, Göyçay rayon İcra Hakimiyyətində Çernobıl Qəzasının 35-ci ildönümünə həsr olunmuş görüş keçirilib.Rayon icra hakimiyyətinin başçısı Mehdi Səlimzadə 4 nəfər Çernobıl Qəzası əlili ilə görüşüb.İlk olaraq, dünyasını dəyişən Çernobıl qəzası iştirakçılarının xatirəsi bir dəqiqəlik sükutla yad edilib.
Rayon icra hakimiyyətinin başçısı Mehdi Səlimzadə görüşdə Çernobıl qəzasında Azərbaycandan əsasən gənclərdən ibarət 7 min nəfərdən çox, o cümlədən 65 nəfər Göyçaylı vətəndaşımız böyük təhlükəyə baxmayaraq, Çernobıla yollanaraq çoxunun həmin qəzada həlak olmasını, qalanlarının isə ömürlük əlil olaraq ağır xəstəliklərə tutulmasını diqqətə çatdırıb.
Görüşdə vurğulanıb ki, Prezident İlham Əliyevin məqsədyönlü rəhbərliyi sayəsində Çernobıl əlillərinin sosial müdafiəsi daima diqqətdə saxlanılaraq,mühüm səylər göstərilir.
Daha sonra Çernobıl əlillərinin problemləri dinlənilib, həlli mümkün olan məsələlərlə bağlı müvafiq tapşırıqlar verilib.
Çernobıl qəzası əlilləri onlara göstərilən diqqət və qayğıya görə ölkə Prezidentinə və rayon rəhbərliyinə öz minnətdarlıqlarını bildiriblər.
