Azadsöz.az xəbər verir ki, Prezident İlham Əliyevin diqqət və qayğısı sayəsində respublikamızın bölgələrində aparılan quruculuq işləri Şəki şəhərindədə uğurla davam etdirilir. Bunu son illər Şəkidə regionların sosial-iqtisadi inkişafına dair qəbul olunmuş çoxsaylı Dövlət Proqramlarının uğurlu icrası nəticəsində geniş miqyas alan abadlıq və quruculuq işlərindən də görmək olur.
Şəkidə yol infrastrukturunun yaxşılaşdırılması istiqamətində mütəmadi olaraq müvafiq tədbirlər görülür. Vətəndaşların və nəqliyyat vasitələrinin rahat gediş-gəlişini təmin etmək məqsədilə Göyçay rayonu “ATF” MMC-i tərəfindən Şəki şəhərin Heydər Əliyev prospektinə yeni asfalt örtüyünün vurulması işlərinə başlanıb.Prospektə 14 min kv/m asfalt örtüyü salınır.
Qeyd edək ki, şəhərin digər küçələrində də yol infrastrukturunun yenidən qurulması işləri aparılır, təmirə ehtiyacı olan küçələrdə və məhəllədaxili yollarda asfaltlanma işləri mərhələli şəkildə davam etdirilir.
Səbuhi Eltonlu
Zəka Nağıyev
