18 İyun 2024 13:38

Yol qəzasından sağ çıxan və Vətən uğurunda şəhid olan Abdulcəmil Bilalovun üçüncü ildönümüdür-FOTO/VİDEO

Azadsöz.az  xəbər  verir  ki, torpaqlarımızın azadlığı uğrunda gedən döyüşlərdə şəhidlik zirvəsinə yüksəlmiş Abdulcəmil Bilalovun şəhadətə qovuşmasından  bu gün üç il  ötür.Abdulcəmil Xəqani oğlu Bilalov 1997-ci il yanvarın 9-da Göyçay  rayonunun Ləkçıplaq kəndində  anadan olub.Abdulcəmil ailənin 3-cü övladı idi.Abdulcəmil uşaqlıqdan futbola bağlı uşaq idi. “Fənərbaxça” Futbol Klubunun azarkeşi olan Abdulcəmil  həqiqi  hərbi xidmətdən  gəldikdən sonra həyətdəki uşaqlarla Ləkçıplaq komandası qurmuşdu. Kəndarası yarışlara qatılardı.2018-ci ilin iyul ayında evlənmişdi. Ahmet və Mustafa adında iki oğlu yadigar qalıb.

Bir neçə ay əvvəl yol qəzasından sağ çıxan şəhid Abdulcəmil - VİDEO + FOTOLAR

Bir neçə ay əvvəl yol qəzasından sağ çıxan şəhid Abdulcəmil - VİDEO + FOTOLAR

Abdulcəmil Bilalov  2020-ci il sentyabrın 27-də başlayan  Vətən  müharibəsindən  bir neçə ay əvvəl ağır yol qəzası keçirmişdir. Səfərbərliyə çağırsalar da keçirdiyi qəza səbəbindən orduya aparmaq istəməyiblər, ancaq Abdulcəmilin israrları ilə səfərbərliyə qatılıb və  Ağdərə  istiqamətində gedən döyüşlərdə  iştirak  edib.Son dəfə 15 oktyabrda ailəsi ilə danışmışdı. Suqovuşan istiqamətində şiddətli döyüşlər zamanı qolundan yara alsa da döyüşə davam edib.

Bir neçə ay əvvəl yol qəzasından sağ çıxan şəhid Abdulcəmil - VİDEO + FOTOLAR


O, 17 oktyabr döyüşlərdən qayıdarkən əsgər yoldaşları bir az sürətli getmələrini xahiş etsələr də, Abdulcəmil mən çox yorulmuşam, asta gedəcəm deyir. Əsgər yoldaşı bir az uzaqlaşandan sonra ətrafında minamyot partlayır və şəhidlik məqamına şəhadət şərbətini içənə kimi 11 erməni məhv edib.Noyabrın 1-də Ağdərə istiqamətində qəhrəmanlıq  göstərərək  şəhidlik  zirvəsinə ucalıb. Şəhidimizin  cənazəsi neytral zonada 35 gün qaldığı üçün uzun zaman dəqiq xəbər almaq mümkün olmamışdı.Nəhayət noyabrın  20-də   cənazəsi neytral zonadan götürülərək  ailəsinə  təhvil  verilib.Doğulduğu  kənddə  dəfn  edilib.

Prezident İlham  Əliyevin   sərəncamına  əsasən, Abdulcəmil Bilalov ölümündən sonra “Vətən uğrunda”, “Suqovuşanın azad olunmasına görə” və  “Cəsur döyüşçü”  medalları  ilə təltif edilib.

Qeyd  edək ki, şəhidimizin  adına  xatirə  bulağı  tikilib.Bununla yanaşı  təhsil  aldığı  Göyçay  rayon Ləkçıplaq kənd  orta məktəbində  sinfə  şəhidimizin  adı  verilib.

 


Səbuhi Eltonlu

Gülşən Muradova

Zəka  Nağıyev