Azadsöz.az xəbər verir ki, ötən gün vəfat edən SOCAR-ın birinci vitse-prezidenti Xoşbəxt Yusifzadə dəfn olunub.
O, Birinci Fəxri xiyabanda torpağa tapşırılıb.
Vida mərasimində Prezident Administrasiyasının rəhbəri Samir Nuriyev, Baş nazir Əli Əsədov, SOCAR-ın prezidenti Rövşən Nəcəf, AMEA-nın prezidenti İsa Həbibbəyli, iqtisadiyyat nazirinin müavini Rövnəq Abdullayev, Baş nazirin müavinləri Şahin Mustafayev və Əli Əhmədov, deputatlar Eldar Quliyev və Ziyad Səmədzadə, elm və təhsil nazirinin müavini Firudin Qurbanov, AMEA-nın Riyaziyyat və Mexanika İnstitutunun direktoru Misir Mərdanov, elm və təhsil naziri Emin Əmrullayev, Mərkəzi Seçki Komissiyasının sədri Məzahir Pənahov, alimlər və digər ictimaiyyət nümayəndələri iştirak ediblər.
