Azadsöz.az xəbər verir ki, torpaqlarımızın ərazi bütövlüyü uğurunda gedən döyüşlərdə qəhrəmancasına şəhid olan Pərvin Məmmədov üçüncü ildönümüdür.
Pərvin Rza oğlu Məmmədov 1994-cü il martın 30-da Göyçay rayonunun Yeniarx kəndində anadan olub.Həqiqi hərbi xidmət başa vurduqdan sonra 2014-cü ildə Urfanə xanımla ailə həyatı qurur.Bu evlilikdən 2016-cı ildə Ləman, 2019-cu ildə Zəhra adlı qız övladları dünyaya gəlir.Pərvin Məmmədov 2017-ci ildə “Gizirlik hazırlıq kursu” na qəbul olur, həmin kursu bitirərək Gizir rütbəsi alıb, vətənə layiqli xidmətə başlamışdır.
Azərbaycan Silahlı Qüvvələrin giziri olan şəhidimiz 2020-ci il sentyabrın 27-də başlayan İkinci Qarabağ müharibəsində Ağdərə istiqamətində gedən döyüşlərdə iştirak edib.Oktyabrın 2-də Ağdərə döyüşləri zamanı şəhid olub.Göyçayda Yeniarx kənd qəbirstanlığında dəfn edilib.
Ölümündən sonra Prezident İlham Əliyevin sərəncamı ilə“Vətən uğrunda”, “Suqovuşanın azad olunmasına görə” və “İgidliyə görə” medalları ilə təltif olunub.
Səbuhi Eltonlu
Gülşən Muradova
Zəka Nağıyev
