Azadsöz.az xəbər verir ki, Türkiyənin Niğde bölgəsindəki Şəhid İlhan Çankaya İbtidai məktəbində Atatürkün büstünü zədələyən şübhəlilər məhkəmə tərəfindən həbs edilib.
25 sentyabr rayonun Divarlı qəsəbəsində baş verən hadisənin ardından Çiftlik İlçe Jandarma Komandirliyi Kəşfiyyat personalı və Niğde İl Jandarma Komandirliyinə bağlı Jandarma Dedektifleri (JASAT) hərəkətə keçib. Qrupların apardığı araşdırma nəticəsində büstü zədələyən şəxslər müəyyən edilib.
Atatürk büstünü zədələdiyi təsbit edilən 2 nəfər nəzarətə alınaraq əməliyyatların ardından ədliyyəyə sövq edilib. Ədliyyəyə sövq edilən S.Ç. (19) və BY (16) həbs olunub.