Azadsöz.az xəbər verir ki, 29 sentyabr tarixdə Göyçay Rayon İcra Hakimiyyəti yanında Şəhər Təsərrüfatı Birliyinin Abadlaşdırma Təmir Şöbəsinin işçi kollektivi tərəfindən Göyçay şəhər Əli Kərim parkında və Şəhidlər Xiyabanında növbəti təmizlik işləri görülüb.
Parkın ərazisinin və Şəhidlər Xiyabanının torpaq örtüyü hamarlanıb, əkilmiş şam, dekorativ ağacların və gül kollarının dibləri bellənib.
Bununla yanaşı gül kollarının budanılması, qurumuş və alaq otlarının təmizlənməsi işləri aparılıb, arxlardan yüksək təzyiqli nasoslar vasitəsilə su çəkilərək yaşıllıq sahəsi suvarılıb.
Qeyd edək ki, Göyçay rayonunda yaşıllıq zolaqlarının mühafizəsi və onlara aqrotexniki qulluq göstərilməsi müntəzəm davam etdirilir.
Səbuhi Eltonlu
Gülşən Muradova
Zəka Nağıyev
